જામનગર : જામનગરની માર્ગ અને મકાન પેટા વિભાગ કચેરીમાં ફરજ બજાવી નિવૃત થયેલ વર્ગ બે અધિકારી સામે અપ્રમાણસરની મિલકત સબંધિત કરવામાં આવેલ આંકલન બાદ બેનામી સંપતી જાહેર કરવામાં આવી છે. એસીબીએ આ સંપતી જાહેર કરી છે. જેમાં કુલ આવકના ૧૧૧ ટકા એટલે કે , રૂપિયા ૫.૪૭ કરોડની સંપતી ગેરકાયદેસર મેળવી હોવાનું સામે આવ્યું છે, જેને લઈને એસીબી, દ્વારા નિવૃત અધિકારી સામે ભ્રસ્ટાચાર અધિનિયમ મુજબ ફરિયાદ નોંધી હતી. ત્યારબાદ તાજેતરમાં પંચમહાલ સેસન્સ કોર્ટમાં આરોપી દ્વારા કરવામાં આવેલ આગોતરા જમીનની અરજી રદ કરવામાં આવી છે. જેને લઈને આરોપી નિવૃત અધિકારી સામે ધરપકડનો સીકંજો વધુ મજબુત થયો છે.
જામનગરમાં માર્ગ અને મકાન પેટા વિભાગ કચેરીમાં નોકરી કરી હાલ નિવૃત થયેલ ચુનીલાલ પારુમલ ધારશીયાણીએ પોતાની નોકરી કાળ દરમિયાન સતાનો દુરુપયોગ કરી આવક કરતા વધારે આવક પ્રાપ્ત કરી ભ્રસ્ટાચાર આચાર્યો હોવાની સ્થાનિક કચેરીમાં અરજી કરવામાં આવી હતી. જેને લઈને એસીબી દ્વારા તપાસ કરવામાં આવી હતી. આ તપાસમાં વર્ગ બે અધિકારી તરીકેની ફરજ દરમિયાન અધિકારીના તથા તેના આશ્રીતોના મિલકત સબંધી દસ્તાવેજી પુરાવાઓ તથા બેંક ખાતાઓ અને વિવિધ સરકારી કચેરીઓમાંથી દસ્તાવેજી માહિતી મેળવવામાં આવી હતી. જેમાં આ બાબુએ પોતાના કાર્યકાળ દરમિયાન હોદ્દાનો દુર ઉપયોગ કરી રૂપિયા ૫,૨૩,૪૧,૩૭૭ની આવક સામે કુલ ખર્ચ-રોકાણ તરીકે રૂપિયા ૧૦,૭૧,૧૮,૧૪૭ રૂપિયાની સંપતી સામે આવીએ હતી. જેની આકારણી કરી એસીબી જામનગરની ટીમે નિવૃત અધિકારી સામે ફરિયાદ નોંધી હતી.. જેમાં કુલ ૫,૪૭, ૭૬, ૭૭૦ રૂપિયાની આવક અપ્રમાણસરની હોવાનો આરોપ લગાવાયો હતો.. આરોપીએ તા. ૧/૪/૨૦૦૬થી ૩૧/૩/૨૦૧૫ સુધી રૂપિયા ૧,૭૦,૪૩,૨૧૮ની રકમ પોતાના બેંક એકાઉન્ટમાં જમા કરાવી હતી. તેમજ રૂપિયા ૪,૯૬, ૫૨, ૪૯૦ ની રકમની સ્થાવર-જંગમ સંપતી ખરીદી અને આ જ સમયગાળા દરમિયાન ચેક દ્વારા રૂપિયા ૨,૯૬,૭૦,૫૩૯ની રકમ ઉપાડી હોવાનું સામે આવ્યું છે. જેને લઈને તેની સામે ફરીયાદ દાખલ કરવામાં આવી હતી. જેને લઈને નિવૃત અધિકારીએ એસીબીની કાર્યવાહીથી બચવા પંચમહાલ સેસન્સ કોર્ટમાં આગોતરા જામીનની અરજી કરી હતી. જે અરજી ચાલી જતા કોર્ટે આરોપી વિરુદ્ધ તમામ દસ્તાવેજી પુરાવાઓ, સોગંધનામું અને ટેકનીકલ તેમજ સાયોગિક પુરાવાઓના આધારે આરોપી નિવૃત અધિકારીની આગોતરા જમીનની અરજી રીજેક્ટ કરી હતી. હવે આ અધિકારીની ધરપકડનો માર્ગ મોકળો થયો છે.
